Efekti i emrit të Maqedonisë dhe shpresat për lehtësimin e borxhit grek

Kryeministri grek, Alexis Tsipras, mund të ketë rritur shpresat e tij për të bindur kreditorët e huaj për ta çliruar kombin e tij nga vitet e poshtërimit financiar në kushte më të mira se disa vite më parë.

Tsipras ka ranë dakord për një marrëveshje me homologun e tij maqedonas në fundjavën në të cilën fqinji i Greqisë do të quhet "Republika e Maqedonisë Veriore", një formulim që ofron një shans për t'i dhënë fund një mosmarrëveshjes 27-vjeçare me Shkupin që ka vonuar zgjerimin drejt Bashkimit Evropian.

Tani shpresa është se vullneti i mirë politik do t'i rezervojë Athinës një pritje më të ngrohtë se zakonisht kur ministrat e financave të eurozonës do të takohen të enjten në Eurogrup për të komplotuar hapat e Greqisë drejt daljes nga programi i saj i shpëtimit, thanë zyrtarët grekë dhe ata të BE.

Kjo përfshin lehtësime të mundshme mbi borxhet e vendit, të cilat janë rritur që nga kësti i parë i  shpëtimit i BE-FMN në 2010.

Tsipras pranon se marrëveshja e Maqedonisë, e cila hap rrugën për ish-republikën jugosllave për të kërkuar anëtarësimin në BE dhe NATO, është e ndarë nga çdo lehtësim i borxhit grek.

"Ndjehem si një lojtar shahu që në të njëjtën kohë luan dy ndeshje, sepse ju e dini në të njëjtën kohë ka negociata për çështjen e emrit dhe negociatat vendimtare për çështjen e borxhit," i tha ai kreut të fondit të shpëtimit të eurozonës javën e kaluar pasi bisedimet në Maqedoni arritën një përparim.

Por ai shtoi: "Po shpresoj, pasi kemi pasur një arritje dje, ne do të kemi të njëjtën gjë javët e ardhshme ndoshta më të rëndësishmit për vendin pas tetë viteve të vështira".

Tsipras shpesh ka pasur marrëdhënie të ashpra me BE-në, pasi masat shtrënguese të imponuara nën ndihmat e shpëtimit i dëmtojnë keq grekët.

Por një zyrtar i BE shprehu me optimizëm se zgjidhja e emrit e cila duhet të miratohet nga parlamentet e të dy vendeve, do të ketë një efekt pozitiv psikologjik.

"Unë mendoj se marrëveshja do të ndihmojë Greqinë në bisedimet për lehtësimin e borxheve. Qeveria do të shkojë në bisedime me një moral të ndryshëm, "tha zyrtari në kushte anonimiteti, duke shtuar se marrëveshja nuk kishte qenë kurrë e lidhur me bisedimet e ndihmës, raporton Reuters.