Nënkryetari i Këshillit Bashkiak nga radhët e opozitës, Dorian Teliti tha për mikrofonin e MCN Live se në mbledhjen e djeshme të Këshillit Bashkiak atij iu hoq fjala dhe përfaqësuesit e mazhorancës nuk e lanë të jepte asnjë argument për aktet që ishin të përfshirë në rendin e ditës.
Sipas Teletit, atij dhe kolegëve të opozitës i mohohet hapësira pasi Veliaj ka frikë nga e vërteta.
Në mbledhjen e zhvilluar ditën e djeshme, në momentin që mora fjalën për të diskutuar rendin e ditës, pas disa minutash m'u ndërpre fjala në shkelje të rregulloreve dhe nuk m'u dha mundësia për të dhënë mendimin tim për 18 aktet që ishin në rendin e ditës. Sapo fillova të denoncoja allishverishet, abuzimet me paratë e inceneratorëve, me biletat e avionëve, me faturat 30 milionë euro të 5D, abuzimet me rritjen e çmimit të ujit, sapo nisa të bëja denoncime, fjala më është ndërprerë nga kryetarja e Këshillit Bashkiak.
Pata mundësi të flisja vetëm disa minuta, pa arritur të shteroja sugjerimet dhe kundërshtimet për aktet e propozuara. Pse e bënë? Kanë frikë nga e vërteta, nuk duan që e vërteta të zbardhet. Ku kanë shkuar 30 milionë eurot? Nuk duan të flitet për kullat. M'u hoq fjala. Nuk e pranova këtë masë, nuk u largova dhe kryetarja e Këshillit Bashkiak dhe drejtuesit e mazhorancës morën veprime që kaluan direkt në procedurë, duke mos u dhënë të drejtë asnjë këshilltari të flasë. Dje u rishikua buxheti, u hoqën para për investime dhe u vendosën për rikonstruktimin e rrugës Rexhekri, pranë shtëpisë së Ramës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
