Polonia një vend fqinj me Ukrainën që po mbrohet kundër agresionit rus , nënshkroi një marrëveshje këtë të mërkurë për blerjen e 116 tankeve Abrams nga Shtetet e Bashkuara, si pjesë e përforcimit të ushtrisë së saj.
Shitja ishte miratuar nga Departamenti Amerikan i Shtetit në dhjetor.
"Ne po forcojmë grushtin e hekurt të ushtrisë polake për të penguar efektivisht agresorin", tha ministri polak i mbrojtjes Mariusz Blaszczak në një ceremoni nënshkrimi të marrëveshjes në Varshavë.
Mariusz Blaszczak specifikoi se tanket e para Abrams M1A1 të parashikuara nga marrëveshja duhet të dorëzohen më vonë këtë vit në Poloninë lindore.
Vitin e kaluar, Polonia kishte blerë tashmë 250 tanke Abrams nga Shtetet e Bashkuara, të cilat, sipas ministrit polak, duhet të dorëzohen deri në fund të vitit 2024.
Sipas një postimi në Twitter nga Ministria polake e Mbrojtjes, vlera e kontratës së re arrin në 1,4 miliardë dollarë, nga të cilat 200 milionë financohen nga pjesa amerikane në kuadër të ndihmës për Poloninë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
