Drejtori i Policisë rrugore Mitat Tola, i ftuar në emisionin “Hangover” në MCN Radio dhe Tema TV ka dhënë disa detaje në lidhje më angazhimet e policisë rrugore për rritjen e sigurisë në vend. Tola vuri në dukje arritjen e qeverisë për paisjen e efektivëve të policisë me kamera trupore, sipas tij, këto kamera rrisin efikasitetin e punës dhe ulin ndjeshëm korrupsionin në rradhët e uniformave blu.
Tola tha se kamerat do jenë në punë gjatë gjithë kohës, dhe salla operative do të bëjë të mundur ndjekjen e ngjarjeve direkt nga baza. Së shpejti të gjitha shërbimet e emergjencës do të kenë një numër të vetëm, siç është në Amerikë 911, edhe vendi ynë do ketë 112-tën ku mund të raportohet mbi çdo problem, pastaj do jetë salla operative që do bëjë kategorizimin e problemit, duke lajmëruar kështu Ambulancën, Zjarrfikësen etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
