Gazetari Arsen Rusta në një raportim për MCN Live bëri me dije se ish-Presidenti Ilir Meta e ka kaluar natën në Dhomën e Observimit, ose në IEVP-në e burgut "313"-të.
Gazetari thotë se ka qenë vet Meta që ka kërkuar të qëndrojë te 313-ta për të patur mundësi takimi me të shpeshtë me familjarët.
“Pasi GJKKO ka miratuar arrestin në qeli për ish-Presidentin dhe kreun e PL Ilir Meta, mbrëmjen e djeshme ai është akomoduar duke e kaluar në Dhomën e Observimit, pranë IEVP Jordan Misja, ose i njohur ndryshe 313-ta. Ka kaluar në një ambient që ka vetëm tualet edhe krevat për shkak se Dhoma e Observimit kërkon që 24 orët e para personat që kalojnë në regjimin e burgut të monitorohen për sjelljet e tyre, oraret e gjumit, veprimet që mund të kryejnë, apo nevojat që do të paraqesin. Personi i parë dhe i vetëm që e ka takuar është avokati Genc Gjokutaj. Çdo takim tjetër duhet të miratohet nga prokuroria e posaçme, për shkak se ai konsiderohet person i ndaluar, ende nën hetim. Mesditën e sotme pritet që z.Meta të kalojë në një dhomë burgu ku do qëndrojë i vetëm. Janë akuza mjaft të rënda, që kanë një marzh nga gjobë deri në 12 vite burg. Këto masa pritet të apelohen në Gjykatën e Apelit, ku z.Meta do të kërkojë lirinë nga burgu. Ndarja e parburgimeve, burgjeve, bëhet me një vlerësim me Drejtorinë e Burgjeve dhe kërkesat e vet personave të dënuar, apo vendimeve të gjykatës. Për afërsinë me territorin e vendbanimit dhe rezidencën, z.Meta në diskutimet me administratën e burgjeve ka kërkuar vetë që të qëndrojë i izoluar në 313-ta, për t’i dhënë mundësi takimi me familjarët”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
