Një hetim i FBI verën e kaluar sugjeron se operativët rusë u përpoqën të përdorin këshilltarët Trump, duke përfshirë Carter Page, për të depërtuar në fushatën Trump, deklarojnë zyrtarë të SHBA, të cituar nga CNN
Informacioni i ri plotëson imazhin se si rusët u përpoqën të ndikojnë në zgjedhjet e vitit 2016, jo vetëm përmes hacker-ave dhe propagandës me e-maile-et, por edhe duke u përpjekur të depërtojnë në orbitën e Trump. Inteligjenca amerikane ka hetuar mbi koordinimin e bashkëpunëtorëve të fushatës Trump me rusët.
Zyrtarët e bënë të qartë se nuk e dinë nëse Page ishte i vetëdijshëm që rusët po e përdornin atë. Për shkak të mënyrës së funksionimit të shërbimeve ruse të spiunazhit, Page mund të ketë folur pa patur dijeni se po takonte agjentët rusë. Page kundërshton idenë që ai ka bashkëpunuar me spiunazhin rus, duke thënë se ai ndihmoi komunitetin e inteligjencës amerikane. "Kundërshtoj supozimin se gjatë 26 viteve të fundit që unë kam shkuar ne Rusi kam qenë gjithmonë në shoqërinë e personave që ndajnë informacione me qeverinë ruse ... siç e kam bërë në mënyrë të ngjashme me CIA-n, FBI-në dhe agjencitë e tjera qeveritare në të kaluarën. "
Por FBI këmbëngul se Rusia u përpoq të depërtojë në funksionimin e brendshëm të fushatës Trump duke përdorur kanalet e fshehta për të komunikuar me njerëzit në stafin e Trump.
Page është një nga këshilltarët e Trump për të cilin shërbimet sekrete të SHBA dhe inteligjenca evropiane kanë zbuluar se ka pasur kontakte me zyrtarët rusë dhe persona të tjerë të spiunazhit rus të njohur për shërbimet sekrete amerikane dhe evropiane. Shtrirja dhe frekuenca e këtyre kontakteve ngriti interesin e agjencive të inteligjencës amerikane. FBI dhe CIA nuk pranuan të komentojnë deklaratën e Page.
Në vitin 2013, Page kishte pasur takime me një rus, i cili doli të ishte spiun, sipas prokurorëve federalë. Page mohoi ta kishte ditur ditur se Victor Podobnyy, ishte një operativ rus që maskohej në një rezidencë në Nju Jork.
Siç njoftoi CNN për herë të parë, fjalimi i Carter Page ishte kritik ndaj politikës amerikane kundër Rusisë. Ai foli në korrik 2016 në një universitet të shquar të Moskës duke tërhequr vëmendjen e FBI-së dhe ngriti shqetësimet se ai ishte komprometuar nga inteligjenca ruse, sipas zyrtarëve amerikanë. Ata gjithashtu kishin frikë se operativët rusë mbanin kontakt me të si në Shtetet e Bashkuara dhe në Rusi, thonë zyrtarët e SHBA.
Bisedat e tij me bashkëpunëtorët e dyshuar rusë po shqyrtohen si pjesë e një operacioni të madh të mbledhjes së informacioneve nga FBI dhe agjencitë e tjera amerikane që po hetojnë ndërhyrjen e Rusisë në zgjedhje. Zyrtarët nuk japin informacion se për çfarë ishin bisedat. Në një letër të shkruar në komisionin e Dhomës së Inteligjencës të Dhomës për të dëshmuar, Page përshkruan shumë ndërveprime me fushatën. "Për informacionin tuaj, unë shpesh kam qenë në Trump Grill, kam ngrënë drekë në Trump, e kam takuar për kafe në Starbucks në Trump Toëer, mora pjesë në evenimente dhe kam kaluar shumë orë në selinë e fushatës në katin e pestë, në vitin e kaluar".
Një zyrtar i SH.B.A.-së me lidhje të ngushta me fushatën thotë se pretendimi i Page-it që kaloi kohë në katin e pestë është i pakuptimtë pasi fushata nuk e përdorte më atë kat duke filluar nga fillimi i korrikut. Zyrtari gjithashtu thotë se vendet që ai renditi si vizita janë hapësira publike të vizituara nga miliona njerëz në vit.
FBI e kishte Page në radar për të paktën katër vjet, sipas dokumenteve të gjykatës dhe zyrtarëve amerikanë.
Byroja e dinte gjithashtu për Page, nga hetimi i bërë në 2013, se ky ishte një unazë e spiunazhit rus në Nju Jork. Një nga spiunët është regjistruar duke thënë se ai u përpoq për të rekrutuar Page, dhe Page pranoi takimin e tij. Por Page thotë se nuk e dinte se po fliste me një spiun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
