Pas akuzave të qeverisë dhe ndërkombëtarëve për dhunë në protestën e djeshme të opozitës pasi organizatorët nuk e mbajtën nën kontroll, ka reaguar kryetari i PD-së, Lulzim Basha. Përmes një postimi në Facebook, Basha ka deklaruar se opozita nuk ndalet të protestat e saj. Ai ka theksuar se, të drejtën për të protesuar opozita do ta mbrojë me çdo kusht, sepse e ka fituar pas 46 vitesh diktarurë, një nga më të egrat në Europë.
"Asnjë procedim penal nuk e ndal Partinë Demokratike dhe qytetarët për të përmbushur misionin tonë për Shqipërinë si gjithë Europa. Asnjë procedim penal nuk e ndal Partinë Demokratike dhe qytetarët për të përmbushur misionin tonë për Shqipërinë si gjithë Europa. Përdorimi i militantëve dhe ushtarëve të krimit në Polici për të goditur qytetarët dhe kundërshtarin politik është tipari më i qartë i këtij regjimi kriminal. Unë dhe Partia Demokratike jemi të vendosur të mbrojmë me çdo mjet të drejtën për të protestuar, të drejtë që e fituam pas 46 vitesh të diktaturës më të përgjakshme në Europë!”.
Tashmë, Partia Demokratike është e bindur që kryeministri Edi Rama ka ardhur në pushtet me ndihmën e bandave, të cilat kanë blerë votat, gjë që sipas tyre faktohet në dosjet 339 dhe 184. Basha ka premtuar se bandat e krimit që janë kundër popullit shumë shpejt do të dalin përpara drejtësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
