Ndikimi i organizatës së Gylen, Bushati: Problemi u eksportua në Shqipëri kur Rama iu bashkëngjit linjës së Erdoganit

Analisti Andi Bushati tha në studion e lajmeve të MCN Tv se Shqipëria nuk e ka pasur kurrë problem ndikimin e organizatës së Gylenit. Duke vijuar Bushati tha se ky problem u eksportua në Shqipëri kur kryeministri Rama në një farë mënyrë u afishua me linjën e Erdoganit që i quajti gylenistët njësoj si Erdogani një organizëm të rrezikshëm.

Për këtë gjë nuk është folur kurrë më parë, që pas grushtit të famshëm të shtetit në Turqi. Shqipëria nuk e ka pasur këtë problem. Ka shuëm teori që thonë që vllazëria gyleniste ka si qëllim të sajin depërtimin në gjykata, polici, administratë etj.

Nuk është se kjo është gjë e ndjeshme në Shqipëri. Shqipëria nuk e ka pasur kurrë këtë problem.

Ky problem u eksportua në Shqipëri kur kryeministri Rama në një farë mënyrë u afishua me linjën e Erdoganit që i quajti gylenistët njësoj si Erdogani një organizëm të rrezikshëm dhe pastaj njësoj si Erdogani ndryshe nga aleatët perëndimorë të Shqipërisë vuri gishtin që këta janë organizatorët e grushtit të shtetit. Ndërkohë që ka dyshime për këtë . Shqipëria u bë një vend që ka atë memorialin e famshëm të 15 korrikut që asnjë vend tjetër perëndimor nuk e ka. 

Deri këtu do kishim të bënim me politik, por fakti që Rama u detyrua të alinjohet me Erdoganin për të shkelur ligjet e vendit dhe ligjet ndërkombëtare për të ekstradur gylenistë, kjo pastaj e kapërcen atë çka është politike. Këtu është një lloj ndikimi i paligjshëm i një shtetit tjetër mbi shtetin tonë, siç ka ndodhur shpesh me Ramën që për shkak të aleancave të veta momentale dhe privilegjeve të veta, shkel mbiu ato që duhet t ëjenë ligjet e shtetit shqiptar.

Sidomos në vitet e para Erdogan ka qenë një aleat i fuqishëm për Ramës, ka qenë një aleat i fuqishëm jo vetëm për mënyrën si e ka ndihmuar vetë Ramën, por edhe për njëlloj lobimi sidomos në Uashington në raport me Ramën.

Shpeshherë aksi Rama-Vuçiç-Ergogan ka vepruar në sinkron.