Ministri i Brendshëm i Kosovës Xhelal Sveçla ka paralajmëruar se Aleksandar Vuçiç mund të futet në burg nëse i dëgjon thirrjet dhe niset pa kërkesë për vizitë te Ministria e Punëve të Jashtme.
Reagimi i tij vjen pas vendosjes së disa posterave nga serbët në Veri të Kosovës, ku shfaqet në foto presidenti serb, dhe thuhet: “Komandan suprem, po të presim”.
“I paskan ngjitur tinëz gjatë natës disa postera në veri të Kosovës. Aty thonë që po e presin presidentin e Serbisë të vijë duke e quajtur atë ‘komandant’. Nëse është nisur pa kërkesë te Ministria jonë e Punëve të Jashtme dhe Diasporës, edhe ne po e presim të vijë dhe mandej mund ta vizitoni në burg, ku ai i ka tashmë disa miq të tij”, ka shkruar Sveçla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
