Shkarkohet kreu i Autoritetit Rrugor Shqiptar, Afrim Qendro.
Qendro është shkarkuar nga ministrja e re e Energjisë dhe Infrastrukturës, Belinda Balluku.
Në postin e tij është emëruar Sonila Qato, e cila ka mbajtur më parë detyrën e ministres për Sipërmarrjen.
Shkarkimi i Qendros vjen pak ditë pasi ai u mor në pyetje në lidhje me skandalin e kompanisë DH Albania.
Ditën e djeshme, në lidhje me të njëjtin skandal, edhe administratori i OST-së , Klodian Gradeci, dha dorëheqjen.
Po dje, ministrja Balluku njoftoi edhe anulimin e koncesionit të rrugës Kashar-Thumanë.
“Gener 2” është shpallur në korrik 2017 fituese e garës për këtë aks. Sipas një investigimi të “Zërit të Amerikës”, kompania në fjalë ka lidhje me kompaninë “DH Albania”, e cila përmes falsifikimit të dokumenteve të regjistrimit dhe favorizimit nga institucionet ka arritur të sigurojë dy kontrata me vlerë prej rreth 30 milionë eurosh nga qeveria shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
