Presidenti turk Rexhep Tajip Erdogan ashpërsoi sërish retorikën me Greqinë, duke e akuzuar për kryerjen e një "pushtimi të fshehtë" të ishujve të Egjeut lindor.
"Armët e grumbulluara në Trakinë Perëndimore dhe në ishuj nuk kanë kuptim për ne, sepse forca jonë i tejkalon ato, por ju kujtojmë se kjo do të thotë një pushtim i fshehtë," tha Erdogan në një takim me drejtuesit lokalë të AKP në Ankara.
Komentet e presidentit turk erdhën një ditë pasi Ankaraja pretendoi se mjetet e SHBA-ve që transportohen në Egjeun Lindor shkelin statusin e tyre të "çmilitarizuar". Në të njëjtin takim të martën, Erdogan akuzoi gjithashtu Greqinë se është ndër vendet evropiane që strehojnë terroristë.
“Vrasësit që derdhën gjakun e qytetarëve tanë janë përqafuar pothuajse në çdo vend të Evropës, veçanërisht në kampin e Lavrios në Greqi. Ata mund të ecin lirisht duke tundur krahët,” tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
