Një operacion i policisë së Tiranës i koduar “Compensation”, ka zbuluar një rast të shfrytëzimit për prostitucion, duke vënë në pranga tre persona.
Pas hetimeve disamujore, efektivët e komisariatit Nr.6 në bashkëpunim me Prokurorinë e Tiranës, finalizuan operacionin gjatë së premtes.
Gjatë tij u vu në pranga A. Z., 24 vjeç, banues në Vishnje, Tiranë, për veprën penale “Shfrytëzimi i prostitucionit”, E. H., 33 vjeçe, banuese në Kombinat, për veprën penale “Prostitucioni” dhe Xh. T., 33 vjeç, banues në Kukës, për veprën penale “Prostitucioni”.
Nga veprimet hetimore të kryera ka rezultuar se shtetasja E. H., ushtronte aktivitetin e kundërligjshëm të prostitucionit me klientë të ndryshëm kundrejt shpërblimeve monetare, ndërsa shtetasi A. Z., bënte ndërmjetësimin me klientët.
Nën drejtimin e Prokurorisë vijon puna për dokumentimin e plotë dhe identifikimin e personave të tjerë të përfshirë në këtë veprimtari të kundërligjshme, ndërkohë që materialet iu referuan Prokurorisë së Tiranës, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
