Rusia: Ka mercenarë suedezë që luftojnë për Ukrainën

Rusia është e vetëdijshme për pjesëmarrjen e mercenarëve suedezë në armiqësi përkrah regjimit të Kievit.

Këtë e ka bërë të ditur Ministria e Jashtme ruse për agjencinë e lajmeve “Ria Novosti”.

Më parë, sekretari i shtypit i Ministrisë së Jashtme suedeze, Tumas Vanesk, ka deklaruar se ambasada e Ukrainës në Stokholm mund të rekrutojë shtetas suedezë për të marrë pjesë në armiqësi, pasi kjo nuk bie ndesh me ligjin ndërkombëtar.

Duke iu përgjigjur kërkesës për vlerësimin e këtyre deklaratave, Ministria e Jashtme ruse komunikoi se “pala ruse është në dijeni të pjesëmarrjes së mercenarëve të huaj, duke përfshirë disa të kombësisë suedeze, në armiqësitë përkrah regjimit neo-nazist në Kiev”.

Përpjekjet e Ministrisë së Jashtme suedeze për të legjitimuar në mënyrë të ngathët ushtarë të fatit” të tillë dhe për të nxitur kështu edhe më shumë qytetarë suedezë që të shkojnë në zonën e nxehtë tregojnë indiferencën e plotë të Stokholmit ndaj fatit të qytetarëve të vet.

Sipas ministrisë ruse, “me gjithë mungesën aktuale të referencës për Legjionin e Huaj të Ukrainës në faqen e internetit të ambasadës ukrainase në Suedi, nuk ka pothuajse asnjë dyshim se rekrutimi i shtetasve suedezë kryhet nga misioni diplomatik ukrainas përmes kanaleve të tjera.”

“Siç është raportuar nga Ministria e Mbrojtjes ruse, numri i përgjithshëm i mercenarëve suedezë në territorin e Ukrainës arriti në 90 persona, nga të cilët 25 tashmë janë eliminuar”, tha Ministria e Jashtme ruse.