Kreu i Partisë së Lirisë Ilir Meta është arrestuar mesditën e sotme me urdhër të SPAK-ut. Gazetari Arsen Rusta raporton se është ekzekutuar nga oficerët e Byrosë Kombëtare të Hetmimit një masë sigurie "detyrim paraqitje" edhe për deputeten Monika Kryemadhi, me të cilën Meta është në proces divorci.
MCN TV mëson se Meta është arrestuar me kërkesë të prokurorit Sotir Kllapi. Ish-kreu i shtetit është ndaluar në zonën e njohur si Mbikalimi i Kthesës së Kamzës, teksa po shkonte drejt selisë së partisë.
Ndërkaq është vendosur masa e sigurisë “arrest shtëpie” mbi shtetasin Piro Xhixho dhe "detyrim paraqitje" për Ema Çokun.
Ndaj kreut të PL rëndojnë tri akuza, pastrim parash, korrupsion dhe mosdeklarim të pasurive.
Kujtojmë që Ilir Meta është marrë më herët në pyetje nga oficerët e BKH-së në lidhje me aferën CEZ-DIA.
Gjithashtu ndaj Metës dhe Kryemadhit ka një hetim pasuror në lidhje me çështjen e lobimit në SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
