Trump dëshiron t’i heqë shtetësinë aktores Rosie O’Donnell: Është kërcënim për njerëzimin

Presidenti amerikan Donald Trump po shqyrton heqjen e shtetësisë së aktores Rosie O’Donnell. 

Njoftimi u bë nga Presidenti amerikan me anë të një postimi në rrjetin social Truth.

Meqenëse Rosie O’Donnell nuk është në interesin më të mirë të vendit tonë të madh, po e shqyrtoj seriozisht heqjen e shtetësisë së saj. Ajo është një kërcënim për njerëzimin dhe duhet të qëndrojë në Irlandën e bukur, nëse ata e duan. Zoti e bekoftë Amerikën!

Aktorja, shumë e njohur në SHBA ku ka fituar çmime prestigjioze si Çmimet Emmy dhe një Çmim Tony, ka qenë prej kohësh një kritike e hapur e Donald Trump dhe pas zgjedhjes së tij të dytë si president i SHBA-së, ajo vendosi të transferohet në Irlandë.

Grindja e tyre, kujton media amerikane, ka vazhduar për gati njëzet vjet. E gjitha filloi në vitin 2006 kur, gjatë një episodi të ‘The View’, prezantuesi i atëhershëm O’Connell kritikoi busullën morale të Donald Trump. 

Që atëherë, kanë pasuar kritika, shaka dhe sulme personale. Presidenti madje e përmendi aktoren në një bisedë të kohëve të fundit me kryeministrin irlandez.

Pra, a do ta humbasë Rosie O’Donnell shtetësinë e saj? Mediat amerikane theksojnë se e drejta e shtetësisë amerikane që rrjedh nga lindja mbrohet nga Amendamenti i 14-të i Kushtetutës dhe nuk ka precedent për një revokim të tillë.

Megjithatë, aktorja iu përgjigj Donald Trump në Instagram, duke e quajtur presidentin një mashtrues, një kriminel dhe një “gënjeshtar që dëmton kombin tonë për t’i shërbyer vetes”. 

Presidenti i Shteteve të Bashkuara, gjithmonë e ka urryer faktin që unë e shoh atë për atë që është, prandaj u transferova në Irlandë. 

Ai është një plak i rrezikshëm, pa shpirt, me demencë, të cilit i mungon empatia, dhembshuria dhe njerëzimi. Unë jam në kundërshtim të drejtpërdrejtë me gjithçka që ai përfaqëson, dhe kështu janë edhe miliona të tjerë.