Ministri i Punëve të Brendshme të Kosovës, Xhelal Sveçla, ka deklaruar se trazirat në Veri janë organizuar nga Serbia të frymëzuara nga Rusia.
Ai theksoi se përpjekjet për të destabilizuar Kosovën nuk do të kalojnë.
“Simboli ‘Z’, fanella me simbole të Wagnerit, kryqi me 4S janë dëshmi e origjinës së sulmeve nga kriminelët. Të organizuar nga Serbia, frymëzuar nga Rusia. Idhulli i tyre është Millosheviçi e model Putini. Përpjekjet për të destabilizuar shtetin tonë nuk do të kalojnë. Serbia e Rusia nuk kalojnë”, shkruan ai.
Kujtojmë që të hënën si pasojë e dhunës së protestuesve u lënduan 30 ushtarë të KFOR-it.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
