Zindzi Mandela, vajza më e vogël e presidentit të parë të zi të Afrikës së Jugut Nelson Mandela ka ndërruar jetë në moshën 59 vjeç.
Ajo vdiq në një spital në Johannesburg në orët e para të mëngjesit të së hënës.
Në vitet e fundit ajo ishte ambasadore e Afrikës së Jugut në Danimarkë.
Ende nuk është bërë i ditur shkaku i vdekjes saj. Zindzi Mandela ishte fëmija i gjashtë i Nelson Mandelës dhe i dyti me Winnie Madikizela-Mandela, gruaja e tij e dytë.
Presidenti Cyril Ramaphosa në një deklaratë tha se Zindzi Mandela gjatë viteve të luftës ishte e vendosur dhe e palëkundur për liri.
Ministri i Marrëdhënieve Ndërkombëtare Naledi Pandor u shpreh: "Zindzi jo vetëm që do të mbahet mend si bijë e heronjve tanë të luftës, por si një heroinë e luftës në të drejtën e saj".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
