Një gjykatës ka anuluar dëmshpërblimin e madh prej afro 56 miliardë dollarësh që Tesla i dha Elon Musk në vitin 2018.
Vendimi vjen në përfundim të një gjyqi i cili filloi më shumë se një vit më parë dhe vendosi në favor të një investitori i cili kishte denoncuar shpërblimin e tepërt dhe jo transparent. Ky kompensim kishte ndihmuar që Musk të bëhej njeriu më i pasur në botë.
Gjykata e Delaware, SHBA, vendosi se bordi i Musk dhe Tesla “kishin barrën për të provuar se plani i kompensimit ishte i drejtë dhe nuk e përmbushi atë”.
“Procesi që çoi në miratimin e planit ishte thellësisht i mangët”, thuhet në dispozitë.
Musk nisi një proces autonom të drejtimit, duke rikalibruar shpejtësinë dhe drejtimin përgjatë rrugës siç e shihte të arsyeshme. Procesi erdhi me një çmim të padrejtë.
Vendimi ngre një sërë pikëpyetjesh në lidhje me drejtimin e kompanisë, një prej tyre është nëse bordi, i cili përfshin disa miq dhe vëllain e Musk, është në gjendje të kontrollojë sjelljen e tij.
Një justifikim për dhënien e aksioneve për Musk ishte se do ta mbante të fokusuar në ndërtimin e makinave elektrike.
Por gjatë viteve Musk e ka “shpërqëndruar veten” duke diversifikuar interesat e tij, duke përfshirë blerjen e Twitter në 2022 për 44 miliardë dollarë.
Për të kjo është një goditje tjetër, pas rënies së fundit prej 12% të aksioneve të Tesla-s, e cila dogji 80 miliardë dollarë në vetëm pak orë për shkak të rezultateve zhgënjyese të tremujorit të fundit dhe parashikimeve për një ngadalësim të ndjeshëm të rritjes në 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
