Një tjetër gazetare sportive u përball me sulmin e një burrë i cili u përpoq ta puthte kur ajo po bënte një raportim të drejtpërdrejtë për Kupën e Botës në Rusi.
Braziliana, Julia Guimaraes ishte në Jekaterinburg të dielën për të ndjekur ndeshjen mes Japoninë e Senegalit, kur një burrë iu afrua asaj dhe u përpoq ta puthte.
Ajo u largua duke mos e lejuar ta prekë dhe i tha se nuk duhet të sillet kështu ndaj një gruaje.
“Mos e bëj këtë! Mos e bëj kurrë. Nuk do të të lejoj kurrë të bësh një gjë të tillë me mua. Mos ia bëj këtë një femre. Respektoje!”, i tha ajo djalit që dëgjohej duke i kërkuar falje për veprimin.
Gazetarja e TV Globo dhe SportTV shkroi në Twitter se ajo kurrë nuk e kishte përjetuar këtë në Brazil, por se asaj i kishte ndodhur dy herë gjatë turneut në Rusi.
Ajo i tha Globo Esporte se incidenti ishte "i tmerrshëm" dhe e bëri atë të ndihej "e pafuqishme".
"Këtë herë, unë u përgjigja, por njerëzit e trishtuar nuk e kuptojnë pse njerëzit mendojnë se kanë të drejtë ta bëjnë këtë".
Ajo tha se ishte ngacmuar gjatë ndeshjes së parë të Kupës Botërore midis Rusisë dhe Egjiptit në Moskë.
Javën e kaluar, një rast i ngjashëm ka ndodhur në Moskë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
