Një shpërthim i fuqishëm ka ndodhur mëngjesin e sotëm në Sanxhak të Laçit, ku një sasi tritoli është vendosur në shtëpinë e Skënder Likës e cila ka shpërthyer duke shkaktuar dëme të mëdha materiale edhe te banesat përreth.
Skënder Lika është babai i autorit te vrasjes së biznesmenit Rakip Rolit, Lleji Lika.
Po ashtu Skënder Lika është xhaxhai i Ilir Likajt (Xhepajt), i arrestuar për vrasjen e dy biznesmenëve në një hotel në Mamurras, përkatësisht të shtetasve Paulin Gjergji dhe Bujar Lika (ky i fundit pa lidhje farefisnore me autorin e vrasjeve).
Në orët e para të mëngjesit, në Sanxhak, Kurbin, në verandën e banesës së shtetasit S. L., ka shpërthyer lëndë plasëse duke shkaktuar vetëm dëme materiale.
Grupi hetimor në vendin e ngjarjes, po vijon veprimet hetimore për zbardhjen e ngjarjes, identifikimin dhe kapjen e autorit/ve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
