Kryetari i Partisë “Mundësia”, Agron Shehaj i ftuar në emisionin “Të Paekspozuarit” në MCN, lidhur me depozitimin e kryeministrit për ndryshimet ligjore, akuzoi Edi Ramën se po përpiqet të mbetet i paprekshëm nga drejtësia dhe se po përdor shumicën parlamentare për interesa personale.
Ai theksoi se njerëzit e afërt me Ramën janë nën hetim nga SPAK dhe ngriti shqetësime për mungesën e mbrojtjes për drejtuesin e këtij institucioni, Altin Dumani.
“Çështja po bëhet qesharake dhe veprimet e SPAK po tregojnë që Rama synon të jetë i paprekshëm. Pezullimin se kane shpikur prokuroret, por është e përcaktuar me ligj. Kushdo përveç të zgjedhurve, të gjithë të tjerët mund të pezullohen. Tani Rama po përdor ato 86 mandate se është i shqetësuar për demokracinë në vend? Apo për fatin e tij? Në fakt kjo nuk është fatkeqësi, shyqyr erdhi dita që një kryeministër ndihet i kërcënuar nga drejtësia. Rama ndihet i rrezikuar.
Guxuan të shkonin te ai. Nëse ne marrim njerëzit më të afërt të Ramës janë ose të pandehur, ose në hetim, ose shkojnë përditë në SPAK. Ne nuk e dimë nëse ai po hetohet.
Shikoni sulmin që ai po bënë. SPAK ka dy javë kërkon mbrojtje për Dumanin dhe garda ka dy javë që nuk shton mbrojtjen për të.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
