Gjatë ditës së sotme në Kosovë do të mbahen dy protesta.
Sindikata e Infermierëve, Mamive dhe Profesionistëve mban protestë, sot prej orës 10, para Qeverisë së Kosovës. Edhe pse infermierët rrezikojnë shëndetin e tyre gjatë përballjes me pacientët e infektuar, ata po paguhen vetëm 18 euro për punën që po e bëjnë në ndërrimin e natës. Për këtë pakënaqësi, Sindikata e Infermierëve, Mamive dhe profesionistëve të tjerë shëndetësorë ka paralajmëruar protestë për sot.
Pronarët e pishinave do ta mbajnë poashtu sot një protestë në sheshin “Skënderbeu” në Prishtinë, për t’i shprehur pakënaqësitë për mbylljen e pishinave nga ana e Qeverisë.
Kujtojmë se dje para Komunës së Prishtinës është mbajtur një protestë tjetër nga pronarët e çerdheve, të cilët po kërkojnë hapjen e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
