Ushtarët qëllojnë automjetet e dyshimta, vriten 6 emigrantë në Meksikë

Disa ushtarë të cilit po ndiqnin automjete të dyshimta në një autostradë në Meksikë hapën zjarr, duke vrarë gjashtë emigrantë.

Lajmi është bërë i ditur nga Ministria vendase e Mbrojtjes. Patrulla ndaloi 33 emigrantë nga Egjipti, Nepali, Kuba, India dhe Pakistani në shtetin jugor të Chiapas.

Ministria meksikane e Mbrojtjes tha se 10 emigrantë të tjerë u plagosën në incidentin e së martës në mbrëmje, rreth 40 kilometër në veri të kufirit me Guatemalën.

Ministria tha se një patrullë ushtarake pa automjetin e emigrantëve duke udhëtuar me shpejtësi të madhe, gjë që bëri një përpjekje të dukshme për të shmangur ndalimin.

Ushtarët raportuan se kishin dëgjuar shpërthime pas të cilave dy oficerë hapën zjarr, thuhet në deklaratë, duke shtuar se ata janë larguar nga detyra ndërkohë që vijojnë hetimet.

Incidenti ndodhi në të njëjtën ditë që Claudia Sheinbaum mori detyrën si presidente e re e Meksikës me një premtim për të respektuar të drejtat e njeriut dhe për të shmangur shtypjen nga forcat e sigurisë.

Dy ushtarët që kanë qëlluar u larguan nga postet e tyre në pritje të një hetimi.