PDIU nuk do të ketë numërues për votat në zgjedhjet e 25 prillit! Është ky vendimi i marrë ditën e sotme në Komisioni i Ankesave dhe Sanksioneve (KAS), pas ankimimit të bërë nga partia e drejtuar prej Shpëtim Idrizit.
KAS la në fuqi vendimin e kryekomisionerit Ilirjan Celibashit, i cili vendosi që PDIU të mos ketë numërues votash, me argumentin se është në koalicion me PD.
Fletët e votimit në zgjedhjet e 25 prillit, do të numërohen nga grupet e numërimit me 2 anëtarë të PS, 1 të PD dhe 1 të LSI.
Komisioni Qendror i Zgjedhjeve vendosi pak ditë më parë që anëtari i katërt i grupit të numërimit të jetë përfaqësues nga Lëvizja Socialiste për Integrim, duke i hequr mundësinë PDIU të kishte anëtarin e saj, ndonëse kjo forcë politike kishte më shumë se 2 mandate në zgjedhjet e kaluara.
Celibashi e argumentoi vendimin e tij me faktin që PDIU ishte pjesë e koalicionit PD e Aleanca për Ndryshim dhe nuk garonte si subjekt më vete.
“Bazuar në analizën e fakteve dhe provave, me shumicë votash, vendosi rrëzimin e kërkesës ankimore të paraqitur nga PDIU, ky vendim hy në fuqi menjëherë. Për këtë vendim në rast kontenstimesh mund të bëhet ankesë në Kolegjin Zgjedhor, brenda pesë ditëve”, tha KAS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
