Shiste kokainë në lokal, 51-vjeçari bie në pranga

<p>Një 51-vjeçar me inicialet G.M. u arrestua në fshatin Barbullinjë të&nbsp;Lushnjës, pasi kishte përshtatur lokalin për përdorim dhe shitje të lëndës narkotike.</p> <p>Policia ka sekuestruar kokainë, të ndarë në doza, gati për shitje.</p> <p>“<em>Kishte përshtatur lokalin për përdorim dhe shitje të lëndës narkotike, kapet dhe vihet në pranga 51-vjeçari. &nbsp;Sekuestrohet 1 sasi lënde e dyshuar narkotike, kokainë, e ndarë në doza gati për shitje. &nbsp;Sektori për Hetimin e Narkotikëve i DVP Fier, në kuadër të megaoperacionit "Tempulli", pas një pune të mirëfilltë policore dhe bazuar në informacionet e siguruara nga inteligjenca policore, kanë goditur një tjetër rast të shitjes së drograve të forta në doza. Për këtë rast u kap dhe u vu në pranga shtetasi</em></p> <p><em>-G. M., 51 vjeç, banues në fshatin Barbullinjë, Lushnjë. Nga kontrolli i ushtruar në lokalin e këtij shtetasi, në fshatin Barbullinjë, shërbimet e Policisë, i gjetën dhe sekuestruan doza të lëndës së dyshuar narkotike, kokainë, gati për shitje. &nbsp;Në cilësinë e provës materiale u sekuestrua lënda narkotike dhe 2 aparatë celular</em>”.</p> <p>Materialet procedurale i kaluan Prokurorisë për veprime të mëtejshme.</p>