Të parat në botë, punëtorët e seksit në Belgjikë fitojnë të drejtat e lehonisë dhe pensione

Punëtorët belge të seksit kanë fituar të drejtën e ditëve të sëmundjes, pagesës së lehonisë dhe pensioneve sipas ligjit të parë të këtij lloji në botë.

Ligjvënësit votuan në maj për t’u dhënë punonjësve të seksit të njëjtat mbrojtje pune si çdo punonjës tjetër, në përpjekje për të luftuar abuzimin dhe shfrytëzimin.

Ligji, i cili hyri në fuqi të dielën, siguron që punonjëset e seksit të kenë kontrata pune dhe mbrojtje ligjore.

Ai synon t’i japë fund një zone gri të krijuar në vitin 2022 kur puna e seksit u dekriminalizua në Belgjikë, por pa dhënë asnjë mbrojtje për punonjësit e seksit, ose të drejta të punës, si përfitimi i papunësisë ose sigurimi shëndetësor.

Sipas ligjit, punonjëset e seksit kanë të drejtë të refuzojnë partnerët seksualë ose të kryejnë veprime specifike dhe mund të ndalojnë një akt në çdo kohë. Ato as nuk mund të shkarkohen për këto refuzime.

Punëdhënësit duhet të jenë të “karakterit të mirë” me një rezidencë biznesi në Belgjikë, ata gjithashtu duhet të sigurojnë që ambientet e tyre të jenë të pajisura me butona paniku, pastërti, dushe dhe prezervativë.

Mbrojtjet nuk mbulojnë punën në shtëpi ose aktivitete të tilla si striptizmi dhe pornografia.

Sindikata belge e punonjësve të seksit e përshkroi ligjin si një hap të madh përpara, duke i dhënë fund diskriminimit ligjor kundër punonjësve të seksit.

Por ajo tha se rregullat mund të “instrumentalizohen” për të reduktuar ose eliminuar punën seksuale.

“Ne shohim tashmë disa bashki të fshehura pas fjalëve “siguri” dhe “higjienë” për të shpallur rregullore shumë strikte lokale që e bëjnë punën seksuale pothuajse të pamundur në territorin e tyre.

Disa organizata feministe e kanë kritikuar ligjin. Kur projektligji u publikua në vitin 2023, Këshilli i Grave Frankofone të Belgjikës tha se do të ishte “katastrofik” për vajzat e reja dhe viktimat e trafikimit.

Ato shprehen se të supozosh se ekziston prostitucioni dhe se duhet të mbrohen punëtoret do të thotë të pranosh këtë dhunë seksiste dhe jo ta luftosh atë.