Zelensky: Sulmi me raketa balistike përshkallëzim i rëndë, Rusia s'ka interes për paqen

Vlodymyr Zelensky tha se përdorimi i një rakete balistike eksperimentale nga Rusia përbënte "një përshkallëzim të qartë dhe të ashpër" në luftë dhe bëri thirrje për dënim të fortë në mbarë botën, pasi NATO akuzoi Vladimir Putinin se kërkon të "terrorizojë" civilët dhe të frikësojë aleatët e Ukrainës.

Në një deklaratë pas fjalimit të Vladimir Putin rreth sulmit të së enjtes në një qendër ushtarake në qytetin e Dnipro, Zelensky tha se sulmi ishte "edhe më shumë provë se Rusia nuk ka interes për paqen", duke shtuar se "duhet presion.

Rusia duhet të detyrohet në paqe të vërtetë, e cila mund të arrihet vetëm me forcë.” Presidenti rus kërcënoi me sulme të mëtejshme, duke thënë se Moska "kishte të drejtë" të godiste vendet perëndimore që i dhanë Kievit armë të përdorura kundër objektivave ruse.

"Një konflikt rajonal në Ukrainë i provokuar më parë nga perëndimi ka fituar elementë të një karakteri global," tha Putin në një fjalim drejtuar kombit të transmetuar nga televizioni shtetëror pas orës 20:00 në Moskë.

Parlamenti i Ukrainës thuhet se ka shtyrë një seancë të së premtes për shkak të “çështjeve të mundshme të sigurisë” pas sulmit, tha transmetuesi publik Suspilne, duke cituar burime.

Ai raportoi se ligjvënësve iu tha të mbanin familjet e tyre jashtë distriktit qeveritar të Kievit dhe citoi parlamentarët të kenë thënë se, për momentin, seanca e radhës nuk ishte caktuar deri në dhjetor.

Raketa e re balistike u quajt Oreshnik (lajthia), tha Putin, dhe vendosja e saj "ishte një përgjigje ndaj planeve të SHBA për të prodhuar dhe vendosur raketa të ndërmjetme dhe me rreze të shkurtër".

Ai tha se Rusia do të "përgjigjet në mënyrë të vendosur dhe simetrike" në rast të një përshkallëzimi.

Duke folur pas sulmit, Zelenskyy tha: "Bota duhet të përgjigjet". Ai tha se Putini po "pështynte në fytyrën e atyre në botë që me të vërtetë duan të rivendoset paqja" dhe se ai po "testonte" botën.