Venecia gjunjëzohet nga pushteti i ujit. Pas rekordit të vitit 1966, kur niveli i ujit në qytet arriti në 194 cm, kjo është hera e dytë që uji fiton terren kaq të madh.
Mbrëmjen e së mërkurës, niveli maksimal i ujit arriti në 1 metër e 87 cm. Për shkak të motit të keq kanë mbetur të vdekur edhe dy persona.
Dëmet në qytet janë të shumta: gondolat dhe varkat e shkëputura nga brigjet dhe të shpërndara nga rryma, anije të mbytura etj.
Niveli i lartë i ujit mund të ketë dëmtuar edhe bazilikën “San Marco”, një prej atraksioneve më të njohura në Venecia.
Erërat e forta me shpejtësi 100 km/orë kanë shkaktuar dëme të mëdha në qytet dhe në zonat përreth. Shkollat e qytetit mbeten të mbyllura.
Ndërkohë, zona malore në veri të Italisë është prekur nga reshjet e borës. Në Alto Adige, trashësia e borës arrin në 40 cm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
