Eshtë etiketuar si fshati i paprekshëm, aty ku piramida ekonomike e krijuar nga kanabisi solli mirëqenie të madhe për banorët.
TvT udhëtoi drejt Lazaratit, fshatit që u stigmatizua për kultivimin e lëndëve i narkotike, e nga ku 150 banorë të saj u dënuan për prodhim e shitje të narkotikëve.
Edhe pas 6 vjetësh nga ndërhyrja e forcave RENEA, ku mbeti i vrarë Ibrahim Basha, të huajt nuk janë të mirëpritur në fshat, e aq më tepër grupet e xhirimit.
Në fshat të gjithë e kanë dëgjuar propozimin e kryeministrit për legalizimin e kanabisit mjekësor.
E para që kërkojnë është amnisti e plotë e atyre që u burgosën pas vitit 2014.
Skeptikë për propozimin e kryeministrit, nuk ngurojnë të flasin me emra se kush do të jenë përfituesit nga legalizimi i kanabisit.
Kryeplaku i fshatit ka edhe një propozim që ia drejton publikisht kreut të qeverisë.
Sot në Lazarat është e vështirë të gjesh dikë optimist për të ardhmen, por ato që dallohen qartë janë shenjat e epokës së kanabisit dhe rrënjosja e politikës edhe në brezat e rinj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
