Një profesion stimulues dhe një jetë sociale aktive e mbrojnë trurin nga impakti negativ i ushqyerjes së pashëndetshme. Profesionet që kërkojnë të menduar kompleks, në veçanti mësuesit dhe doktorët, janë më të mbrojtur nga sëmundja e Alzajmerit.
Një profesion i komplikuar mund të parandalojë shfaqjen e sëmundjes edhe te ata që janë më të rrezikuar prej saj për shkak të dietës së papërshtatshme ushqimore.
Ky është përfundimi i një studimi të gjerë, rezultatet e të cilit u bënë të ditura gjatë konferencës mbi demencën, e mbajtur në Toronto të Kandasë.
Shkencëtarët mendojnë se humbja e kujtesës dhe konfuzioni nuk janë pasoja të paevitueshme të plakjes, por shkaktohen nga dëmet që pëson truri.
Një stil jetese jo i shëndetshëm, duhanpirja, konsumimi i pijeve alkoolike, mungesa e aktivitetit fizik dhe sasitë e mëdha të ushqimit me yndyrna mund ta rrisin rrezikun e dëmtimeve që çojnë në demencë ose Alzajmer, forma më e shpeshtë e kësaj sëmundjeje.
Por njerëzit që kanë nivel të lartë të rezervave konjitive janë të aftë të përballen me dëmtime të tilla. Shkencëtarët i shohin profesionet e mësipërme si superfuqitë që luftojnë demencën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
