Irani njoftoi të premten se kishte gjetur trupin e gjeneralit Abbas Nilforoushan, i vrarë në Liban nga Izraeli në fund të shtatorit me liderin e Hezbollahut libanez pro-iranian Hassan Nasrallah.
“Trupi i dëshmorit Abbas Nilforoushan u gjet falë përpjekjeve të vazhdueshme”, njoftoi në një deklaratë Garda Revolucionare, ushtria ideologjike e Iranit, duke specifikuar se data e riatdhesimit të trupit dhe funeralit do të njoftohet më vonë.
Abbas Nilforoushan, një nga komandantët kryesorë të Forcës Quds, njësia elitare e Gardës Revolucionare, u vra më 27 shtator në periferinë jugore të Bejrutit me Nasrallah nga një sulm izraelit.
Më 1 tetor, Garda Revolucionare tregoi se gjuajtja iraniane e rreth 200 raketave mbi Izraelin më 1 tetor ishte një masë hakmarrëse pas vrasjes së Nilforoushan, Nasrallah dhe liderit të Hamasit palestinez, Ismail Haniyeh, i vrarë në korrik.
Izraeli që atëherë është zotuar të hakmerret. Ministri izraelit i Mbrojtjes Yoav Gallant siguroi se sulmi do të ishte “vdekjeprurës, i saktë dhe befasues”, për të cilin Teherani u përgjigj se ishte gati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
