Kryetarët e rinj të tri komunave në veri të Kosovës, Leposaviç, Zveçan dhe Zubin-Potok, kanë mundur të hyjnë në godinat komunale, mes trazirave të dhunshme.
U desh ndërhyrja e Policisë së Kosovës për të larguar barrikadat e vendosura nga serbët para godinave komunale. Qytetarët serb kanë hedhur në drejtim të “bluve” shok bomba, gaz lotsjellës, ndërsa janë dëgjuar edhe të shtëna armësh.
Ndërkaq, raportohet se Beogradi ka vendosur në gatishmëri të lartë luftarake ushtrinë. Në rrjetet sociale janë shpërndarë pamje teksa kryetari i komunës Leposaviç, Lulzim Hetemi, ka hyrë në objektin e Komunës, duke vendosur flamurin e Kosovës në godinë.
Kujtojmë që 5 oficerë të Policisë së Kosovës mbetën të lënduar si pasojë e dhunës, ndërsa u dëmtuan edhe 4 automjete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
