Anëtarë të Partisë Demokratike në Durrës janë paraqitur në selinë qendrore të partisë për të kërkuar sqarime lidhur me vendimin për përjashtimin e tyre.
Kreu i grupit të këshilltarëve në Durrës, Dritan Burgija, dhe sekretari i degës së PD-së, Arlind Boshku, së bashku me një grup demokratësh, kërkojnë një takim me Sali Berisha për të marrë informacion mbi arsyet e përjashtimeve.
Ata dorëzuan ankimimin, ndërsa kërkuan edhe një ballafaqim me Sali Berishën, i cili gjatë momentit të prononcimit të demokratëve ishte brenda në seli.
Burgija i hodhi poshtë akuzat se i ka shërbyer PS.
Të pyetur nga gazetarët, Burgija u shpreh se “foltorja” e organizuar nga Ervin Salianji në Durrës ka qenë një nga arsyet që vuri në lëvizje strukturat e Partisë Demokratike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
