Strategjia e Partisë Demokratike për të mbështetur kandidatë të pavarur në zgjedhjet vendore të pjesshme ka shkaktuar reagime dhe pakënaqësi, veçanërisht në Vlorë.
Anëtari i Këshillit Bashkiak të Vlorës, Gjergji Nika, ka reaguar publikisht ndaj mbështetjes që PD i ka dhënë Dionis Sotës, i cili kandidon si i pavarur.
Në një intervistë për edicionin e lajmeve në MCN TV, Nika u shpreh se Sota është “i varur 100% nga Partia Socialiste” dhe nuk përfaqëson një alternativë të vërtetë opozitare.
Në radhë të parë nuk kam asgjë personale me z. Sota.
Por PD-ja, apo më saktë kryesia e saj në qendër, nuk mund të mbështesë një kandidat që është këshilltar i Prefektit të Qarkut të Vlorës, i pranishëm në çdo takim të PS-së dhe në të gjitha tryezat e saj politike.
Ai është një kandidat i varur 100% me PS i cili është vënë si i pavarur dhe ka qenë pjesa oligarkë e cila ka lobuar në PD në qendër për të mbështetur dhe vendosur atë.
Kjo është një kandidaturë e imponuar, jo e dalë nga strukturat lokale të PD-së.
Nika e cilësoi kandidaturën si produkt të lobimit nga grupe të lidhura me pushtetin dhe interesa oligarkike, që sipas tij, kanë ndikuar në vendimmarrjen e PD-së në qendër.
Ky është një gabim i rëndë. Struktura e PD në Vlorë nuk e mbështet këtë emër.
Kjo është një zgjedhje e disa individëve në kryesi, të cilët duan t’i shpëtojnë përgjegjësisë për mungesën e një kandidati të mirëfilltë politik.
Mbështetja për kandidatë të pavarur nuk e zhvesh opozitën nga përgjegjësia politike, dhe se qyteti i Vlorës ka nevojë për një kandidat të vërtetë, të dalë nga vullneti i bazës dhe jo për "emra që janë dhuratë për pushtetin".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
