Banorët e Manzës kanë dalë në rrugë mbrëmjen e së dielës për të kundërshtuar depozitimin e mbeturinave të Durrësit në zonën e tyre. Qytetarët kanë bllokuar rrugën duke mos lejuar kamionët të futen dhe janë përplasur edhe me policinë.
“Po na helmoni, nuk do të lejojmë këtë gjë“, ishin thirrjet e banorëve të Manzës.
Zhvendosja e mbeturinave të qytetit të Durrësit drejt Manzës erdhi si domosdoshmëri pasi u anulua projekti për Eko-Parkun në Porto Romano.
E gjetur nën presionin e kohës për shkak të grumbullimit të mbeturinave, Bashkia e Durrësit u detyrua t’i niste mbetjet për në landfillin e Sharrës, por për shkak të pamundësisë për të mbuluar kostot, pushteti vendor përdori Manzën për djegien e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
