Pas vrasjes së gjyqtares Fildeze Hafizi në mes të Tiranës nga ish-burri i saj, policia është vënë në lëvizje për të parandaluar rastet e dhunës në familje. Reagimi i uniformave blu ka ardhur edhe pas thirrjes së drejtorit të Policisë së Shtetit, Haki Çako, për të qenë më vigjilent ndaj këtyre rasteve.
Gjatë 24 orëve të fundit Policia e Tiranës ka arrestuar 2 shtetas për veprën penale të “Dhunës në familje”.
Ata janë shtetasit:
– Qani Muça, 50 vjeç, banues në Tiranë, pasi në banesë ka ushtruar dhunë fizike dhe psikologjike ndaj bashkëshortes, shtetases S.M., 44 vjeçe dhe vajzës së mitur, shtetases G.M., 11 vjeçe.
– Antonio Hyseni, 35 vjeç, banues në Kavajë, pasi ka ushtruar dhunë fizike ndaj bashkëshortes, shtetases U.H., 29 vjeçe, e cila është e pajisur me urdhërmbrojtje të menjëhershëm nga Gjykata e Rrethit Gjyqësor Kavajë.
Materialet u referuan në Prokurorinë e Rrethit Gjyqësor Tiranë në ngarkim të shtetasit Qani Muça për veprën penale “Dhunë në familje”, neni 130/a Kodit Penal, ndërsa për shtetasin Antonio Hyseni për veprat penale “Dhunë në familje” dhe “Kundërshtim i Vendimit të Gjykatës”, neni 130/a dhe 321 i Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
