Gjykata Kushtetuese ka rrëzuar këtë të martë kërkesat e ish-ministrit të Mjedisit, Lefter Koka, me objekt shfuqizimin si antikushtetues të dy vendimeve të Gjykatës së Lartë që kanë të bëjnë mbi procedurat e seancës gjyqësore që cilësuan të ligjshëm arrestimin e tij për inceneratorin e Fierit dhe të Elbasanit.
Koka aktualisht po vuan dënimin e tij në burg pasi me vendim të GJKKO-së është shpallur fajtor për aferën e inceneratorëve.
Lefter Koka kërkonte nga Gjykatat Kushtetuese shfuqizimin e vendimit të marrë nga Kolegji Penal i Gjykatës së Lartë që rrëzoi kërkesën e bërë për ndryshimin e masës së sigurisë “arrest me burg” të marrë nga Apeli i GJKKO më 5 janar 2023.
Sipas ish-ministrit, vendimi është i papajtueshëm me Kushtetutën.
Po ashtu ai kërkoi edhe shfuqizimin e vendimit të marrë dhe dërgimin për rishqyrtim në Gjykatën e Lartë, por Gjykata Kushtetuese ia rrëzoi të dyja kërkesat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
