Sekretari amerikan i Shtetit, Anthony Blinken, thotë se grupi mercenar rus Wagner po "përfiton" nga situata e paqëndrueshme në Niger.
Vendi po qeveriset nga junta ushtarake pas rrëzimit të presidentit Mohamed Bazoum gati dy javë më parë. Ka pasur raportime sipas të cilave krerët e grushtit të shtetit kanë kërkuar ndihmë nga Wagner, i cili dihet se është i pranishëm në Malin fqinj.
“Unë mendoj se ajo që ndodhi dhe ajo që vazhdon të ndodhë në Niger nuk ishte nxitur nga Rusia apo nga Wagner, por... ata u përpoqën të përfitonin prej saj. Çdo vend ku ky grup ka shkuar, ka parë vdekjen, shkatërrimi dhe shfrytëzimin", tha Blinken.
Si SHBA ashtu edhe Franca kanë baza ushtarake në Niger si pjesë e operacioneve për të përçarë grupet xhihadiste që veprojnë në rajon më të gjerë. Nigeri u bë baza kryesore për trupat franceze pasi atyre iu tha të largoheshin nga Mali pas një grushti shteti atje.
Wagner besohet të ketë mijëra luftëtarë në vende duke përfshirë Republikën Qendrore të Afrikës (CAR) dhe Mali, ku ka interesa fitimprurës biznesi, por gjithashtu forcon marrëdhëniet diplomatike dhe ekonomike të Rusisë. Luftëtarët e grupit janë akuzuar për shkelje të përhapura të të drejtave të njeriut në disa vende afrikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
