Kryeministri i Kosovës, Isa Mustafa, homologu i tij malazez, Dushko Markoviç, kanë zhvilluar një takim sot në Shkodër. Takimi që nuk është paralajmëruar u zhvillua në një prej hoteleve në qytetin verior. Nuk dihet se kush ka qenë iniciuesi i këtij takimi.
Mendohet se tema e bisedimeve mes dy kryeministrave ka qenë edhe çështja e demarkacionit.
Mali i Zi dhe Kosova kanë ende pezull marrëveshjen për demarkacionin e vijës kufitare midis tyre.
Qeveria e Kosovës nuk ka arritur ta miratojë marrëveshjen me palën malazeze për shkak se nuk ka numrin e duhur të votave pro në Parlament. Çështja e demarkacionit ka qenë shkaku kryesor i protestave të opozitës brenda dhe jashtë Parlamentit në Kosovë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
