Tepër e emocionuar dhe rrëzëlluese si gjithnjë është shfaqur këngëtarja me origjinë shqiptare, Rita Ora, në skenën e Sheshit “Skënderbej”, mbrëmë teksa ku e përlotur ka falënderuar të gjithë të pranishmit, të cilët janë mbledhur për ta ndjekur në performancat e saj.
Me një veshje gjysmë transparente të zezë, ku pjesë përbërëse kanë edhe motivet popullore shqiptare të gërshetuara me flamurin shqiptar, Ora dhe trupa e saj e saj e baletit kanë elektrizuar gjithë të pranishmit që në fillim të koncertit muzikor, i cili ka mbledhur me mijëra qytetarë në shesh.
Artistja tashmë e ka kthyer në zakon që të kërcejë vallen e Tropojës me muzikën e valles në sfond.
Por një moment që nuk kaloi pa u vënë re gjatë performancës së saj ishte kur tha: “Albania in my blood, Kosova in my vens (Shqipëria në gjakun tim, Kosova në venat e mia)”.
Kështu ajo dha një mesazh për të gjithë, se nuk do ta harrojë kurrë Shqipërinë dhe se do të kthehet sërish për shqiptarët që e duan muzikën e saj.
Më pas Rita Ora bëri postime në Instagram duke thënë se ishin rreth 30-40 mijë persona, të cilët i falenderon publikisht për praninë.
Ishte shfaqja më e mirë që kam pasur ndonjëherë. Bëra shumë qejf. Faleminderit atyre që erdhën të më shohin, më thanë se ishin 30-40 mijë njerëz. Dhe mirupafshim. Do kthehem sërish. Faleminderit shumë, ju du.
Në koncertin e mbrëmshëm performuan edhe këngëtarë si Semi Jaupaj, Ronela Hajati, Kida dhe Efi Gjika.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
