Presidentja meksikane Claudia Sheinbaum tha të martën se 14 shtetas meksikanë po mbaheshin në qendrën amerikane të paraburgimit “Alligator Alcatraz” dhe se qeveria e saj po kërkonte riatdhesimin e tyre.
“Po bëhen të gjitha përgatitjet për të siguruar që ata të riatdhesohen menjëherë në Meksikë”, tha Sheinbaum në konferencën e saj për mediat.
Objekti ndodhet rreth 60 km nga Miami, në një ligatinë të gjerë subtropikale plot me aligatorë, krokodilë dhe pitonë, imazhe të frikshme që Shtëpia e Bardhë i ka përdorur për të treguar vendosmërinë e saj për të spastruar emigrantët që thotë se u lejuan gabimisht të qëndronin në vend nën administratën e ish-Presidentit Joe Biden.
Që kur Presidenti Donald Trump mori detyrën më 20 janar, një total prej 73.533 personash janë kthyer në Meksikë, kryesisht nga ajri, përfshirë 67.008 shtetas meksikanë, tha Sheinbaum në një nga konferencat e saj të përditshme në fillim të këtij muaji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
