Një person ka humbur jetën dhe shumë të tjerë janë plagosur si pasojë e një zjarri të rënë mbrëmjen e së enjtes në një spital në qytetin gjerman Uelzen, në jug të Hamburgut në Saksoninë e Ulët.
Gjashtë persona janë të plagosur rëndë me dëmtime të rrezikshme për jetën dhe shumë të tjerë me lëndime të lehta, saktësojnë autoritetet.
Zjarri shpërtheu në orën 22:45 dhe në momentin që mbërriti personeli i shërbimeve të urgjencës, flakët dhe shtëllunga të shumta tymi ishin të dukshme në katin e tretë, sipas policisë.
U dëgjuan thirrje për ndihmë nga ndërtesa dhe spitali u evakuua sapo zjarri u vu nën kontroll. Policia ka nisur hetimet për zbardhjen e shkaqeve të zjarrit, i cili llogaritet të ketë shkaktuar dëme mbi një milion euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
