Mashtrimi përmes Call Center-ave/ Zbulohen 12 ambiente, 10 të arrestuar dhe 4 në kërkim. Sekuestrohen afro 900 mijë euro (VIDEO)

Policia e Shtetit ka dalë me një deklaratë zyrtare lidhur me operacionin e fundit të koduar “Ghost Call”, duke bërë të ditur goditjen e një rrjeti të strukturuar mashtrimi kompjuterik që operonte përmes call centerave. 

Sipas policisë, operacioni u zhvillua nga Drejtoria për Hetimin e Krimit Kibernetik, në bashkëpunim me autoritetet austriake dhe me mbështetjen e Europol, pas një hetimi të thelluar që zgjati rreth dy vite. 

Gjatë operacionit u zbuluan 12 ambiente të përshtatura për aktivitetin kriminal, përfshirë 3 subjekte dhe 9 banesa në Tiranë. 

Policia bën të ditur se janë sekuestruar: 

891 735 euro të dyshuara si të përfituara nga mashtrimi 

443 kompjuterë 

238 celularë 

6 laptopë pajisje 

të tjera elektronike (HDD, DVR) 

“Gjatë kontrolleve u gjetën 891 735 euro… dhe qindra pajisje elektronike, nëpërmjet të cilave kryhej aktiviteti”, shkruan ndër të tjera policia në deklaratën e saj zyrtare. 

Në kuadër të operacionit janë ekzekutuar disa masa sigurie dhe arrestime në flagrancë.

Policia ka arrestuar: 

E. D., 47 vjeç 

M. H., 23 vjeç 

T. A., 22 vjeç 

L. T., 32 vjeç 

Xh. M., 28 vjeç 

Janë shpallur në kërkim: 

Xh. H., 30 vjeç 

M. L., 28 vjeç 

Masa më të lehta sigurie: 

A. V., 33 vjeç – “ndalim për të dalë jashtë shtetit” dhe “detyrim paraqitje”

Në kërkim për të njëjtat masa: L. C., 25 vjeç 

Janë arrestuar në flagrancë (me role drejtuese në skemë): K. B., 38 vjeç E. H., 26 vjeç B. B., 25 vjeç K. D., 25 vjeç E. T., 32 vjeç 

Në kërkim: D. J., 24 vjeç 

"Nga veprimet hetimore rezultoi se këta shtetas kishin rol drejtues në ekipet e përfshira në këtë veprimtari”, thuhet në njoftim. 

Sipas policisë, hetimi ka nisur pas një kërkese për informacion nga autoritetet austriake, çka çoi në zbulimin dhe dokumentimin e plotë të skemës kriminale. 

Hetimi nisi pas një kërkese për informacion nga autoritetet austriake dhe rezultoi me dokumentimin e kësaj veprimtarie kriminale.

Operacioni u zhvillua në bashkëpunim të ngushtë me Prokurorinë e Tiranës dhe partnerët ndërkombëtarë, ndërsa hetimet vijojnë për identifikimin e personave të tjerë të përfshirë.