Indonezia i është bashkuar zyrtarisht BRICS si një anëtar i plotë, njoftoi të hënën Brazili, i cili aktualisht mban presidencën e rradhës të grupit.
BRICS u themelua në vitin 2009 nga Brazili, Rusia, India dhe Kina, me Afrikën e Jugut që iu bashkua dy vjet më vonë.
Megjithëse grupi fillimisht u parashikua si një platformë për investime të ndërsjella dhe stabilitet financiar pasues, ai më vonë u shndërrua në një forum me një axhendë më të gjerë, duke përfshirë çështjet e sigurisë.
Kandidatura e Indonezisë u miratua nga drejtuesit e BRICS në vitin 2023, por kombi i katërt më i populluar në botë me mbi 270 milionë banorë zgjodhi t'i bashkohej grupit vetëm pas formimit të qeverisë së re vitin e kaluar.
“Indonezia ndan me anëtarët e tjerë të grupit mbështetjen për reformën e institucioneve të qeverisjes globale dhe kontribuon pozitivisht në thellimin e bashkëpunimit në Jugun Global”, tha qeveria braziliane në një deklaratë.
Vitin e kaluar, grupi u zgjerua për të përfshirë Iranin, Egjiptin, Etiopinë dhe Emiratet e Bashkuara Arabe si anëtarë me të drejta të plota. Bjellorusia, Bolivia, Kazakistani, Tajlanda, Kuba, Uganda, Malajzia dhe Uzbekistani janë emëruar midis atyre që pritet të bëhen zyrtarisht shtetet partnere të BRICS këtë vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
