Për gjashtëmbëdhjetë vite me radhë i ka çuar lule dhe është lutur për shpirtin e vjehrrit.
Por krejt papritur zbulon se në atë varr prehej dikush tjetër. Ky është rasti i një gruaje në Itali, e cila u lajmërua pak ditë më parë nga autoritetet në komunën e Milanos, për zhvarrimin e trupit të të ndjerit për ta zhvendosur diku tjetër. Por familja e V.L. është përballur me kufomën e një gruaje sapo është hapur arkivoli.
Njeriu i tyre i dashur kishte ndërruar jetë në qershor të vitit 2002 dhe që prej asaj dite, ata e kishin vizituar shpesh varrin pa e ditur se në të prehej një e panjohur. Familja ka bërë denoncimin në polici dhe në Zyrën e Shërbimeve Funerale për gjetjen e eshtrave të të afërmit të tyre, shkruan ANSA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
