Një 60-vjeçar nga Tirana u vu në pranga pas denoncimit të së shoqes për dhunë fizike dhe ngacmim seksual ndaj vajzës së tyre. Sipas policisë së kryeqytetit, Stefan P., 60 vjeç, banues në Tiranë dyshohet se në mënyrë sistematike ka ushtruar dhunë fizike dhe psikologjike ndaj bashkëshortes së tij, shtetases M. P., 43 vjeçe, si dhe fëmijës së mitur V. P.
Rreth orës 18:30, duke qenë nën ndikimin e alkoolit, Stefan P., dyshohet se ka kërcënuar me jetë vajzën e tij me anë të një thike dhe ka qenë ndërhyrja e nënës e cila ka parandaluar ngjarjen. Gjithashtu vajza e mitur, ka deklaruar përpara oficerëve të policisë dhe psikologes se, i ati i saj vazhdimisht kryente veprime të turpshme, duke i treguar organet e tij gjenitale. Për M. P. dhe V. P., u plotësua urdhri i menjëhershëm i mbrojtjes. Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale të "Dhuna në familje" dhe "Vepra të turpshme".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
