Spitali i Traumës ka përgënjeshtruar deklaratat e të afërmve të Luis Meçjas, 14-vjeçarit që u plagos pranë shkollës “Fan Noli”, ku sipas tyre në shtet nuk po i ofrohet trajtimi fizik dhe psikologjik i nevojshëm.
Përmes një reagimi, Spitali i Traumës bën me dije se përveç kujdesit mjekësor intensiv, pacienti ka marrë edhe mbështetje psikologjike.
Gjatë qëndrimit në spital, ndaj 14- vjeçarit janë ndjekur të gjitha protokollet mjekësore për trajtimin fizik dhe psikologjik, dhe gjendja e tij është përmirësuar ndjeshëm.
Sipas deklaratës, 14-vjeçari aktualisht ndodhet në gjendje të mirë shëndetësore dhe se s’ka qenë e nevojshme të kërkohet ndihmë jashtë Spitalit Universitar të Traumës.
Në momentin që ka qenë i nevojshëm dhe i mundur, pacienti ka filluar trajtimin fizioterapik, i cili është në vijim dhe ka dhënë rezultate pozitive. Aktualisht, gjendja e pacientit paraqitet e mirë dhe deri tani nuk ka pasur asnjë komplikacion që të kërkojë ndihmë jashtë mundësive të ofruara nga Spitali Universitar i Traumës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
