Firma italiane e veshjeve United Colors of Benetton është kritikuar pas nisjes së një fushate reklamuese të diskutueshme me imazhe të emigrantëve të shpëtuar nga Mesdheu.
Reklama tregon emigrantë me jelekë shpëtimi të shoqëruar nga vullnetarë gjatë këtij muaji.
Organizatat e bamirësisë SOS Méditerranée e dënoi Benettonin për përdorimin e fotografive të "njerëzve në vështirësi".
Ministri i Brendshëm italian, Matteo Salvini, më vonë shkroi: "A jam i vetmi që e gjej këtë gjë të neveritshme?"
Reklama, e cila u shfaq në internet dhe në gazetën italiane "La Repubblica", përmban dy imazhe të veçanta të kapura më 9 qershor nga shoqata bamirëse gjermane SOS Méditerranée si pjesë e asaj që u bë shpëtimi i qindra emigrantëve.
Benetton ende nuk i është përgjigjur komenteve. Fushata reklamuese e Benettonit u krijua nga një fotograf italian kontrovers, Oliviero Toscani, i cili tha se imazhet ishin "dramatike", duke shtuar se kritika e z. Salvini "më bën të kuptoj se kam të drejtë".
Toscani, i cili u largua nga Benetton në vitin 2000, por u kthye në shkurt të këtij viti, ka qenë pas disa reklamave përçarëse për kompaninë e veshjeve që nga vitet 1980.
Salvini, i cili kryeson partinë e Lega Nord, nuk pranoi të lejonte anijen që të futej në portet e Italisë, duke detyruar Spanjën të hapë portin e Valencias për t'i pritur ata.
Në 1991, Toscani fyen Kishën Katolike të Italisë duke përdorur një imazh që tregon një prift që puth një murgeshë.
Një vit më pas, fotografi u kritikua për përdorimin e një fotografi të aktivistit homoseksual dhe viktima me AIDS, David Kirby, ndërsa ishte i sëmurë në një shtrat spitalor.
Pastaj në 1996, Toscani prodhoi një reklamë që tregonte tre zemra "njerëzore" së bashku me njëri-tjetrin me fjalët e bardha, të zeza dhe të verdha të vendosura në secilin prej organeve.
Ai humbi pozitën e tij në Benetton në vitin 2000, pasi kompania u detyrua të kërkojë falje për një fushatë të quajtur "Ne, në rreshtin e vdekjes", i cili përdorte fotografi të burgosurve të dënuar me vdekje në SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
