Komisioni i Pavarur i Kualifikimit ka konfirmuar në detyrë, Prokurorin e Apelit të Durrësit, Ludovik Dodaj.
Komisioni i Pavarur i Kualifikimit zhvilloi sot një seancë dëgjimore me subjektin e rivlerësimit Ludovik Dodaj, prokuror në Prokurorinë pranë Gjykatës së Apelit Durrës.
Trupa gjykuese e përbërë nga Suela Zhegu, Olsi Komici, Genta Tafa (Bungo) pasi analizoi provat dhe faktet vendosi konfirmimin në detyrë të prokurorit, Ludovik Dodaj.
Në seancën dëgjimore më 4 qershor, Komisioni i Pavarur u Kualifikimit tha se nga hetimi i thelluar Dodaj nuk kishte pasur probleme as në kriterin e figurës dhe as në atë të profesionalizmit, por sipas KPK u gjet me mungesë burimesh financiare vetëm për vitin 2008.
Ndërsa, relatorja tha se atij i mungonin në analizën financiare të këtij viti një shumë prej 358 mijë lekësh.
Në fjalën e tij, prokurori Ludovik Dodaj tha se ishin llogaritur gabim shpenzimet në vitin 2007 dhe argumentoi se nëse uleshin ato shpenzime llogaritë e tij familjare balancoheshin.
Komisioni i Pavarur i Kualifikimit shpalli sot vendimin e konfirmimit në detyrë të subjektin e rivlerësimit Ludovik Dodaj, prokuror në Prokurorinë pranë Gjykatës së Apelit, Durrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
