Një ngjarje e rëndë ka tronditur Prishtinën dhe Kosovën pasi një person i quajtur Albert Krasniqi është ekzekutuar nga babai i tij. Mediat në Kosovë bëjnë me dije se aktualisht është arrestuar babi i Krasniqit, ndërsa si provë materiale është edhe arma.
Ngjarja ndodhi rreth orës 17:00, ndërsa si Alberti ashtu edhe babi i tij njihen në Prishtinë si persona të pasur.
Alberti ishte i martuar me ish-missin e Kosovës Besa Gashi, ndësa së fundmi ata i dhanë fund martesës së tyre, pasi kishin pasur kriza edhe në të kaluarën. Ata gjithashtu janë prindër edhe të një vajze.
Ndërkohë Alberti nuk ishte një emër i panjohur për policinë. Në 2016 ai ka marrë një dënim për shkak të plagosjes së reperit shqiptar Rigels Rajku, ose siç njihet ndryshe Noyzit.
Ai ishte dënuar nga Gjykata me 6 muaj burgim me mundësinë që dënimin ta shlyejë me para, raporton Express. Vendimi i gjykatës e ngarkonte Krasniqin edhe me një dënim shtesë prej 8 mijë eurosh për veprat e tjera në aktakuzë. Shpallja e gjykimit është bërë në një seancë, ku dy të akuzuarit nuk kanë marrë pjesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
